Nasian-danja manokana ity hetsika ity noho ny fisian’ireo mpisehatra ara-toekarena maro, ary nanome sehatra vaovao ihany koa ho an’ireo nahazo ny Prix Pierre Castel mba hampahafantatra bebe kokoa ny vokatra novokarin’izy ireo, hanamafy ny fisiany eo amin’ny tsenan’i Madagasikara, ary hivarotra mivantana amin’ireo mpitsidika tonga maro. Amin’ny alalan’ity fiaraha-miasa amin’ny Ministeran’ny Indostria, ny Varotra ary ny Fanjifana ity, dia manohana sy mandray anjara mavitrika amin’ny fampiroboroboana ny toe-karena eo an-toerana ny STAR.